6افراد جاں بحق

خیبرپختونخوا میں بارش وبرفباری سے 6افراد جاں بحق

ویب ڈیسک : خیبرپختونخوا کے بالائی علاقوں اور مختلف اضلاع میں ہونے والی برفباری اور بارش کے نتیجے میں 6افراد جاں بحق ہو گئے جن میں دو کمسن بھائیوں سمیت تین بچے بھی شامل ہیں۔
پی ڈی ایم اے کی جانب سے جاری رپورٹ کے مطابق خیبرپختونخوا کے مختلف بالائی علاقوں میں گزشتہ تین روز سے ہونے والی مسلسل برفباری اور بارش کے باعث مختلف حادثات میں 6قیمتی جانیں ضائع ہو گئی ہیں ۔
پی ڈی ایم اے کے مطابق مختلف اضلاع میں چھتیں اور دیواریں گرنے سے ایک مرد، خاتون اور دو بچے جاں بحق ہوئے جبکہ 14 زخمی ہوئے جن میں پانچ مرد، 8 خواتین اور 1 بچہ شامل ہے۔
بارشوں سے 2 گھروں کو مکمل اور 16 کو جزوی نقصان پہنچا، ضلع کرم میں ایک بچہ، مرد اور چار خواتین زخمی ہوئے جبکہ مالاکنڈ ڈویڑن میں ایک مرد، خاتون، مردان میں 1 مرد اور 1 خاتون، سوات میں 1 مرد اور اپر دیر میں 1 بچہ جاں بحق جبکہ 1 مرد زخمی ہوا۔
ضلع مردان کے علاقے کاٹلنگ پیپل میں دو کمسن بھائی تالاب میں ڈوب کر جاں بحق ہوئے، جن کی شناخت پانچ سالہ مشال اور چھ سالہ دانیال کے ناموں سے ہوئی۔
علاقہ مکینوں کے مطابق مسلسل بارش کی وجہ سے ندی میں پانی جمع ہوگیا تھا، جس میں دونوں بچے ڈوب گئے۔ مقامی افراد نے فوری طور پر ریسکیو کرکے بچوں کی لاشیں تالاب سے نکالیں۔

مزید پڑھیں:  امریکہ کی نظریں پاک ایران تجارتی معاہدوں پر جم گئیں، پابندیوں کا خطرہ