مطالبات سے اتفاق

ن لیگ نے ایم کیو ایم کے مطالبات سے اتفاق کرلیا

ویب ڈیسک:مسلم لیگ ن نے مرکز میں حکومت سازی کے حوالے سے ایم کیو ایم پاکستان کے مطالبات سے اصولی اتفاق کر لیا ہے ۔
ذائع ایم کیو ایم پاکستان کے مطابق ایم کیو ایم کے مطالبوں پر حتمی اتفاق کے لیے مذکرات آئندہ دنوں ہونے ہیں تاہم ن لیگ نے ہمارے مطالبات پر اصولی اتفاق کر لیا ہے۔
ذرائع کے مطابق ایم کیو ایم پاکستان کا بلدیاتی حکومتوں کی خودمختاری اور مضبوطی کیلئے آئینی ترامیم اولین مطالبہ ہے۔
گورنر سندھ اور وزارتوں پر بھی ن لیگ او ایم کیو ایم پاکستان کے درمیان حتمی بات چیت ہونی ہے، ایم کیو ایم پاکستان نے اسپیکرقومی اسمبلی کے انتخاب سے قبل مذاکرات کو حتمی شکل دینے کا مطالبہ کیا ہے۔
ذرائع نے مزید بتایا کہ رابطہ کمیٹی سے رائے لی گئی ہے حکومت میں شامل ہوا جائے یا اپوزیشن سیٹوں پر بیٹھا جائے، حکومت میں جانے یا اپوزیشن میں بیٹھنے سے متعلق فیصلہ حتمی مذاکرات کے بعد کیا جائے گا۔

مزید پڑھیں:  سعودی وزیر خارجہ کا پاکستان میں سرمایہ کاری بڑھانے کا عزم