پشاور، موٹر سائیکل سواروں کی فائرنگ، ابابیل فورس کا اہلکار شہید، ایک زخمی

ویب ڈیسک: صوبائِی دارالحکومت پشاور میں نامعلوم موٹر سائیکل سواروں کی فائرنگ سے ابابیل فورس کا اہلکار شہید جبکہ ایک اہلکار زخمی ہو گیا۔
ذرائع کے مطابق پشاور کے تھانہ پھندو کی حدود میں نامعلوم موٹر سائیکل سواروں نے پولیس کی ابابیل فورس پر فائرنگ کی۔
پولیس ذرائع کا اس حوالے سے کہنا ہے کہ فائرنگ سے ابابیل فورس کا اہلکار شہید جبکہ فائرنگ سے ایک زخمی بھی ہوا۔
پولیس کا اس حوالے سے بتانا تھا کہ ابابیل سکواڈ کے اہلکاروں نے مشکوک موٹر سائیکل سواروں کو رکنے کا اشارہ کیا لیکن وہ نہ رکا۔ اس پر ابابیل فورس کے اہلکاروں نے ان کا تعاقب کیا جس پر انہوں نے فائرنگ کر دی۔
پولیس کا کہنا ہے کہ نامعلوم موٹر سائیکل سواروں کی فائرنگ سے زخمی ہونے والے پولیس اہلکار کو ہسپتال منتقل کر دیا گیا ہے۔
یاد رہے کہ دونوں اہلکار تھانہ گلبہار میں ڈیوٹی پر مامور تھے۔

مزید پڑھیں:  مالدیپ انتخابات، صدر معیزو کی پیپلز نیشنل کانگریس پارٹی کامیاب