حماد اظہر

میرے اوپردہشتگردی کے51 جعلی مقدمات درج کرائے گئے،حماد اظہر

ویب ڈیسک: پی ٹی آئی رہنما حماد اظہر نے کہا ہے کہ میرے اوپر 51دہشتگردی کے جعلی مقدمات درج کرائے گئے ،اعلیٰ عدلیہ اگر انصاف نہیں کر سکتی تو استعفیٰ دے ۔
پشاور پریس کلب میں میڈیا سے گفتگو کرتے ہوئے حماد اظہر کا کہنا تھا کہ میں نے عدالت میں درخواست دائر کی کہ مجھے بتایا جائے کہ میرے اوپر کتنے مقدمات ہیں،
مجھ پر51 دہشتگردی کے کیسز بنائے گئے ہیں جبکہ آئی جی پنجاب کی جانب سے عدالت میں غلط بیانی کرتے ہوئے کہا گیا23 مقدمات درج ہیں۔
انہوں نے کہا کہ آئی جی پنجاب کیخلاف توہین عدالت کی درخواست دائر کریں گے،پشاور ہائیکورٹ کے ججز بھی انسان ہیں ان پر بھی پریشر ہوگا، پشاور ہائیکورٹ کے ججز عوام کے مسائل کو دیکھ کر فیصلے کرتے ہیں۔
رہنما پی ٹی آئی کا کہنا تھا کہ میرا کاروبار تباہ، گھر والوں کے ساتھ ظلم کیا گیا، دوسری جانب پی ٹی آئی کے کارکنان کے خلاف کیسز بنائے گئے اور گرفتار کیا گیا۔
حماد اظہر کا مزید کہنا تھا کہ کئی علاقوں میں مجھ پر پٹرول بم ، دستی بموں اور پستول رکھنے کے کیسزبنائے گئے، آئی جی پنجاب کو تمغہ ایسے ہی نہیں ملا ہے جبکہ بانی پی ٹی آئی کی گرفتاری کے باوجوداب تک کچھ ثابت نہیں ہوا۔

مزید پڑھیں:  اسلام آباد ہائیکورٹ، 6ججز کو خطوط کے معاملے پر آج فل کورٹ اجلاس طلب