ویب ڈیسک: اقوام متحدہ نے اسرائیل پر ایران کے حملے کے بعد زیادہ سے زیادہ تحمل سے کام لینے کی اپیل کرتے ہوئے کہا ہے کہ مشرق وسطی تباہی کے دہانے پر ہے۔
سوشل میڈیا پلیٹ فارم ایکس پر جاری بیان میں انتونیو گوتریس کا کہنا تھا کہ ایسے کسی بھی عمل سے گریز کیا جائے جو مشرق وسطی میں کسی مختلف فوجی ٹکرا کا سبب بنے۔
انہوں نے کہا کہ عام شہری پہلے ہی ان چیزوں کوبرداشت کررہے ہیں اور ان کی بھاری قیمت چکا رہے ہیں۔
سیکرٹری جنرل کا کہنا تھا کہ ہمیں اس تنازع کو مزید پھیلنے سے روکنے کے لیے تمام فریقین کے ساتھ فعال طور پر رابطوں میں رہنا ہے۔
دوسری جانب سلامتی کونسل میں روس اور چین نے بھی تحمل سے کام لینے پر زور دیا جب کہ امریکا اور برطانیہ نے ایران کو مزید کشیدگی نہ بڑھانے کی تنبیہ کی ہے۔
