بلاول

مولانا فضل الرحمن کو احتجاج خیبر پختونخوا میں کرنا چاہئے،بلاول

ویب ڈیسک: پاکستان پیپلز پارٹی کے چیئرمین بلاول بھٹوزرداری نے کہا ہے کہ مولانا فضل الرحمن کو اپنا احتجاج خیبر پختونخو ا میں کرنا چاہئے ۔
پریس کانفرنس سے خطاب کرتے ہوئے بلاول بھٹو کا کہنا تھا کہ مولانا فضل الرحمان احتجاج کریں مگر احتجاج حقیقت پر مبنی ہونی چاہیے،مولانا تحقیقات کریں ان کے لوگ غلط بیانی کر رہے ہیں۔
انہوں نے کہا کہ کل پارلیمنٹ کے مشترکہ اجلاس میں اپوزیشن کے احتجاج سے دنیا کو غلط پیغام گیا۔
اپوزیشن کا کل کا احتجاج جمہوری نہیں تھا، پارلیمانی دائرے میں اپوزیشن کی تنقید کو ویلکم کرتے ہیں۔
بلاول بھٹو کا مزید کہنا تھا کہ صدر آصف زرداری نے ساتویں بار پارلیمنٹ سے خطاب کرکے تاریخ رقم کی۔
عوام اورکمزور معاشی حالات سے ملک کو نکالنے کے لیے روڈ میپ دیا، بدقسمتی سے اپوزیشن نے اپنی الگ تاریخ رقم کی۔
انہوں نے کہا کہ سیاست آپ کا حق ہے تاہم خارجہ پالیسی پر سب کو ایک ہونا چاہیے۔
مشترکہ اجلاس میں موجود سفیر اپنے ممالک کو اپوزیشن کے کردار پر سائفر بھیجیں گے۔

مزید پڑھیں:  خیبرپختونخوا بجٹ، تنخواہوں میں 10 فیصد اضافہ،صحت کیلئے232ارب مختص