ویب ڈیسک: چوہدری شجاعت حسین اور چوہدری پرویز کی ملاقات کے بعد چوہدری خاندان کے تعلقات کی بحالی سے متعلق متضاد بیانات سامنے آنے لگے ۔
ترجمان مسلم لیگ ق مصطفی ملک کا اس حوالے سے کہنا تھا کہ چوہدری شجاعت حسین سے چوہدری پرویز الٰہی نے ان کی رہائشگاہ پر ملاقات کی، ملاقات دو ہفتے قبل ہوئی تھی۔
مصطفی ملک کا کہنا ہے کہ ملاقات میں خاندانی تعلقات بحال ہو گئے ہیں لیکن سیاست اپنی اپنی ہو گی۔
دوسری جانب چوہدری الٰہی کی اہلیہ قیصرہ الٰہی نے خاندانی صلح کی تردید کرتے ہوئے کہا کہ چوہدری شجاعت حسین کا پرویز الٰہی کی رہائی میں کوئی کردار نہیں ہے۔
قیصرہ الٰہی کا کہنا تھا کسی قسم کی خاندانی صلح نہیں ہوئی، مونس الٰہی ہی نہیں بلکہ چوہدری پرویز الٰہی بھی پی ٹی آئی کے ساتھ رہیں گے، چوہدری پرویز الٰہی نے حالیہ بیان میں بھی اس بات کو واضح انداز میں کہا ہے۔
قیصرہ الٰہی نے بتایا کہ پرویز الٰہی ق لیگ میں واپس جانے کو نہ اب تیار ہیں اور نہ ہی آئندہ ایسا ہو گا
اہلیہ چوہدری پرویز الٰہی کے مطابق چوہدری شجاعت کے دونوں بیٹے سارا وقت ہمارے خلاف جھوٹ پھیلانے میں مصروف ہیں، سال سوا سال سے یہ دونوں مختلف ذرائع سے ایسی افواہیں پھیلا رہے ہیں۔
