لاہور: قائد حزب اختلاف شہبازشریف منی لانڈرنگ کیس میں آج نیب میں پیش ہوئے جہاں ان سے ایک گھنٹہ تک تحقیقات کی گئیں، صدر مسلم لیگ ن سے 37 سوالات کئے گئے جن میں سے وہ صرف 4 کے جواب دے سکے۔
شہباز شریف ایک گھنٹہ تک نیب ٹیم کے سامنے موجود رہے،نیب ٹیم نے شہبازشریف کیلئے 37 سوالات تیار کر رکھے تھے جن میں سے اپوزیشن لیڈر صرف 4 کے جوابات دے سکے۔
نیب ٹیم کی جانب سے کہا گیا کہ آپ کے خلاف 7 ارب روپے کا ریفرنس تیار ہے، کوئی جواب ہے تو بتا دیں، جس پر شہباز شریف نے صرف اتنا کہا کہ میں نے ایک روپیہ تنخواہ نہیں لی۔
