اسلام آباد : ترک صدر طیب اردوان پاکستان کے 2 روزہ دورے پر اسلام آباد پہنچ گئے، وزیراعظم عمران خان نےنور خان ایئر بیس پر ترک صدر کا استقبال کیا۔ ترک صدر کے ہمراہ خاتون اول بھی پاکستان تشریف لائی ہیں۔
وزیراعظم عمران خان نے ترک صدر کی گاڑی خود ڈرائیو کی۔ استقبال کے وقت بچوں نے ترک صدر کو پھولوں کا گلدستہ پیش کیا۔ وزیراعظم عمران خان ترک صدر اور انکی اہلیہ کو لے کر وزیراعظم ہاوٗس روانہ ہو گئے۔
