New commercial city islamabad3

وفاقی دارالحکومت میں نیا کمرشل ایریا بنانے کا منصوبہ -وزیراعظم نے خود سائٹ پر انتظامات کا جائزہ لیا

وفاقی دارالحکومت میں نیا کمرشل ایریا بنانے کی منصوبہ بندی مکمل۔وزیراعظم عمران خان”نیو بلیو ایریا” منصوبے کا جائزہ لینے خود سائیٹ پر پہنچ گئے ۔۔ وزیراعظم نے خود سائٹ پر انتظامات کا جائزہ لیا ۔۔ وزیراعظم نے نیلامی میں حصہ لینے والوں کو ایڈوانس ٹیکس کی چھوٹ دینے کی ہدایت کی ۔

وزیر اعظم کو نیلامی کے طریقہ کار پر بریفنگ میں بتایا گیا منصوبے کے لئے ایف 9 پارک کے بالمقابل 170 کنال اراضی مختص کی گئی ہے۔جدید تعمیرات اور ہائی رائز بلڈنگ پر مبنی کمرشل سٹی عالمی طرز پر تعمیر ہوگا۔اوورسیز پاکستانیوں کو سرمایہ کاری کی خصوصی دعوت دی جائے گی۔لندن, دبئی,مانچسٹر, شکاگو اور گلاسکو سمیت بڑے شہروں میں روڈ شوز کئے جائیں گے۔وفاقی ترقیاتی ادارہ اپریل کے پہلے ہفتے میں کمرشل نیلامی کرے گا ۔۔

مزید پڑھیں:  نوشکی:بس سے 9مسافروں کو اتار کر قتل کردیا گیا

وزیراعظم کی ہدایت پر نیلامی میں حصہ لینے والوں کو سہولت دینے کا بھی فیصلہ کیا گیا یے۔وزیراعظم کی ہدایت پر مکمل ایڈوانس ٹیکس دینے کی شرط بھی ختم کی گئی ہے۔کامیاب بولی دہندگان کو رقم کی ادائیگی کے لئے 30 دن کا وقت ملے گا۔اوررسیز پاکستانیوں کو بھی رقم کے انتظام کے لئے مناسب وقت دیا جائے گا

مزید پڑھیں:  پنجاب میں آسمانی بجلی گرنے سے 10افراد جاں بحق

منصوبے سے ابتدائی طور پر حکومت کو 25 سے 30 ارب روپے ملیں گے۔حکومت آمدنی کا کچھ حصہ نیا پاکستان ہاوسنگ پراجیکٹ میں استعمال کرے گی ۔۔ رقم بے گھر اور غریب افراد کے لئے سستے گھروں کی تعمیر پر خرچ ہو گی۔منصوبہ سے روزگار میں اضافہ اور معاشی سرگرمیوں سمیت تعمیراتی انڈسٹری کو فروغ ملے گا۔۔