ویب ڈیسک(پشاور):طاقت کے نشے میں مست پشاور پولیس بے لگام ہوگئی، بنوں کے طالب علم کو گولیاں مارنے کے بعد پولیس نے ایک اور بچے شاہ زیب کی جان لی، 14سالہ شاہ زیب ملازو کا رہائشی تھا جو راسین پبلک سکول ورسک روڈ برانچ میں میں پڑھتاتھا، شاہ زیب کوگزشتہ روزغربی پولیس نے موٹر سائیکل کاغذات نہ ہونے پر گرفتار کیا تھا۔
شاہ زیب کے والد کا کہنا ہے کہ میرا بیٹا 2 بجے گھر سے تصاویر بنوانے نکلا تھا جبکہ پولیس نے اس پکڑ کر مجھے کال کی، میرے بیٹے کو ٹارچر کر کے قتل کیا گیا ہے جبکہ بعد میں اسے ہھانسی کے ذریعے خودکشی کا نام دیا جارہا ہے، چھوٹا بچہ کیسے پھانسی کرسکتا ہے اس کے پاس رسی کہاں سے آئی، پولیس نے اپنے آپ کو بچانے کے لیے تشدد زدہ لاش کو پھانسی دے دی ہے۔
