ویب ڈسک : وزیر اعظم عمران خان نے کہا ہے کہ کورونا وائرس وبا کا پھیلاؤ روکنے کی پالیسی کی آڑمیں بھارتی حکومت مسلمانوں کونشانہ بنارہی ہے۔ اپنی ٹوئٹ میں وزیراعظم کا کہنا تھا کہ مودی حکومت اپنی ناکام کورونا پالیسی کے خلاف ردعمل سے توجہ ہٹانے کے لیے مسلمانوں کو نشانہ بنارہی ہے۔
عمران خان کا ٹوئیٹ میں کہنا تھا کہ پرتشددکارروائیوں سےہزاروں بھارتی مسلمان بھوک میں مبتلاہیں۔ مودی حکومت کےاقدامات جرمن نازیوں جیسےہیں اور ہندوتوا کی متعصبانہ سوچ کاثبوت ہیں۔
انہوں نے کہا کہ مودی کی پالیسی کے باعث ہزاروں مسلمان بے گھرہوئے۔ مودی سرکار کی مسلمانوں کے خلاف پرتشدد پالیسی کورونا وائرس کے پھیلاؤ میں ناکامی سے توجہ ہٹانے کی کوشش ہے۔
ان کا مزید کہنا تھا کہ موجودہ اقدامات مودی حکومت کی ہندو توا اور متعصبانہ سوچ کا ایک اور ثبوت ہے۔
ذشتہ کئی دنوں سے متعصب بھارتی میڈیا ملک میں کورونا پھیلنے کا الزام بھارت پر لگا رہا ہے اور سرکاری سرپرستی میں مسلمانوں کو نشانہ بنایا جارہا ہے۔
بھارتی میڈیا کی نفرت انگیز مہم کے باعث بھارت میں مسلمانوں کے خلاف تشدد میں مزید اضافہ ہوا ہے اور متعدد علاقوں میں مسلمانوں کو تشدد کا نشانہ بنایا گیا ہے۔
