ویب ڈیسک: جنوبی کوریا میں بیٹری بنانے والی فیکٹری میں خوفناک آگ کے نتیجے میں 20ملازمین بری طرح جھلس کر ہلاک جبکہ متعدد کی حالت غیر ہوگئی۔
عالمی خبر رساں ادارے کے مطابق واقعہ جنوبی کوریا کے شہر ہواسیونگ میں بیٹری بنانے والی کمپنی ایریسیل میں پیش آیا۔
آگ فیکٹری کے گودام میں لگی جس نے دیکھتے ہی دیکھتے پوری فیکٹری کو اپنی لپیٹ میں لے لیا۔
پولیس کا کہنا ہے کہ ابتدائی تحقیقات سے معلوم ہوا کہ آگ گودام کے اندر بیٹری سیلز کے پھٹنے سے لگی،گوادم میں تقریباً ً35ہزار بیٹریاں رکھی ہوئی تھیں۔
فائر بریگیڈ کے عملے نے 4 گھنٹوں کی مشقت کے بعد آگ پر قابو پالیا، امدادی کاموں کے دوران جلی ہوئی فیکٹری کے ملبے سے 20 افراد کی لاشیں نکالی جا چکی ہیں۔
ہلاکتوں میں اضافے کا خدشہ ظاہر کیا جا رہا ہے،واقعے کی تحقیقات کے لیے انکوائری کمیٹی تشکیل دیدی گئی۔
