پشاور: پیپلز پارٹی خیبر پختون خواہ کے سیکرٹری اطلاعات سینیٹر روبینہ خالد کا کے پی کے کے وزیراطلاعات اجمل وزیر کے بیان پر سخت ردِ عمل میں کہنا تھا کہ کے پی حکومت کے ترجمان جھوٹ بولنے میں سب کو مات دے گئے ہیں ، ان کا کام صرف آچھائی کی رپورٹ دینا اور یس سر کہنا ہے ،
ان کا مزید کہنا تھاکہ کیا موصوف بتانا پسند کریں گے کہ ان کے وزیر اعلی نے این ایف سی ایوارڈ کے اربوں روپے کے بقایاجات کا وفاق سے کبھی مطالبہ کیا ؟ ، اس طرح کے بے سروپا بیانات سے صوبائی تعصب پھیلانے کی کوششیں پہلے بھی ناکام رہی ہیں اور اب بھی ناکام رہیں گی ، قباہل جانتے ہیں کہ پیپلز پارٹی نے ہمیشہ ان کا ساتھ دیا ہے اور ان کے حق کی بات کی ہے۔
سینیٹرروبینہ خالد نے مزید بتایا کہ پی ٹی آئی کی صوبائی اور وفاقی حکومتیں ناکامیوں کا مجموعہ بن چکی ہیں ، حکومتی ترجمان سابقہ حکومتوں پر الزام لگا کر اپنی ناکامی نہیں چھپاسکتے۔
