ویب ڈیسک(پشاور)پشاور میں ہونے والی تیز بارش نے تبدیلی سرکار کا پول کھول دیا، بارش کے نتیجے میں شہر کے متعدد علاقے زیرِ آب آ گئے ہیں۔ اکثر مقامات تالاب کےمنظر پیش کرنے لگے۔
گذشتہ رات سے وقفے وقفے سے ہلکی اور تیز بارش کا سلسلہ جاری ہے۔ نظام زندگی جیسے مفلوج ہو کر رہ گیا ہے، شہر کے مختلف علاقوں میں موسلا دھار بارش ہوئی۔
ذرائع کے مطابق دلہ زاک روڈ،گلبہار،فقیر آباد،جی ٹی روڈ پر نالوں کا گندھا پانی جمع ہوگیا ہے جس سے شہریوں کو مشکلات کا سامنا کرنا پڑ رہا ہے ۔
سڑکوں پر پانی کھڑا ہوگیا جس سے ٹریفک کا نظام بری طرح متاثر ہوا ہے جب کہ بارش کے پانی سے شہریوں کی گاڑیاں اور موٹرسائیکلیں بھی بارش کے پانی میں خراب ہوگئیں ہیں۔