ویب ڈیسک(اسلام آباد) تاجکستان کے صدر آج دو روزہ دورے پر پاکستان پہنچیں گے۔
ترجمان دفتر خارجہ کے مطابق وزیر اعظم عمران خان کی دعوت پر تاجکستان کے صدر امام علی رحمان دو اور تین جون کو پاکستان کا دورہ کریں گے ۔
تاجکستان کے صدر کے ہمراہ ایک اعلیٰ سطح کا وفد بھی آئے گا۔ دورے کے دوران وزیر اعظم اور تاجکستان کے صدر وفود کی سطح پر بات چیت کریں گے۔
ترجمان نے بتایاکہ دونوں فریق تجارت ، سرمایہ کاری ، توانائی ، دفاع ، ثقافت ، تعلیم اور علاقائی رابطوں میں باہمی تعاون بڑھانے پر تبادلہ خیال کریں گے۔انہوں نے کہاکہ دورے کے دوران متعدد معاہدوں پر دستخط کیے جائیں گے، تاجکستان کے صدر دورے کے دوران صدر مملکت عارف علوی سے بھی ملاقات کریں گے۔