اسلام آباد: ڈاکٹر ظفر مرزا کی میڈیا بریفنگ ، ان کا کہنا تھا کے نیشنل کمانڈ اینڈ آپریشن سینٹر میں سفارتکاروں کے ساتھ ملاقات ہوئی، غیر ملکی سفارت کاروں کو کورونا وباء کی صورتحال پر بریفنگ دی گئی، سفارت کاروں نے کورونا وباء پر قابو پانے کیلئےحکومتی اقدامات کو سراہا.غیر ملکی سفارت کاروں نے حکومت کو ہر ممکن تعاون کی یقین دہانی کرائی.
ہمیں مستقبل میں صحت کے شعبے کو خصوصی اہمیت دینا ہو گی ،مسجدوں میں زیادہ سے زیادہ احتیاط برتنے کی ضرورت ہے.پاکستان میں کورونا وائرس کے مریضوں کی تعداد8418تک پہنچ گئی ہے.
کورونا وائرس سے 176افراد جاں بحق، 1970صحت یاب ہو چکے ہیں ، پنجاب 3721، سندھ 2537، خیبر پختونخوا 1235، بلوچستان میں 432کیسز کی تصدیق ، گلگت بلتستان 263، اسلام آباد 181اور آزاد کشمیر میں 49مریضوں کی تصدیق .
