ویب ڈیسک: اپر چترال میں کوراغ کے مقام پر دریائے چترال پر چیئر لفٹ کی رسی ٹوٹ گئی، ریسکیو حکام کے مطابق چیئر لفٹ کی رسی ٹوٹنے سے اس میں سوار تین افراد پھنس گئے مگر ڈیزاسٹر ٹیم نے کوششیں جاری رکھتے ہوئے ڈولی کو کنارے پر کھینچ لیا۔
ریسکیو حکام کا کہنا تھا کہ ڈیزاسٹر اہلکار نے ڈولی کو رسی سے باندھ کر واپس کنارے پر پہنچایا اور تمام پھنسے ہوئے افراد کو بحفاظت نکال لیا۔
واضح رہے کہ گزشتہ دنوں بٹگرام میں بھی چیئر لفٹ کی رسی ٹوٹنے کا واقعہ پیش آیا تھا جس میں 8 طلبہ پھنس گئے تھے جنہیں 15 گھنٹے آپریشن کے بعد ریسکیو کیا گیا تھا۔
