ویب ڈیسک: وزیر دفاع خواجہ آصف نے کہا ہے کہ ہمارے ملک میں افغانستان سے دہشت گردی ہورہی ہے اس لئے جواب دینا ضروری سمجھتے ہیں ۔
قومی اسمبلی میں خطاب کرتے ہوئے خواجہ آصف نے کہا کہ گزشتہ روز بھی کہا تھا کہ افغانستان سے ہماری سرزمین پر دہشت گردی ہو رہی ہے اور اس بات کے ثبوت موجود ہیں کہ وہاں پر دہشت گردوں کے محفوظ ٹھکانے موجود ہیں۔
انہوں نے کہا کہ اپنے ملک کے عوام کی حفاظت کے لئے ہمارا حق ہے کہ ہم جواب دیں ۔
خواجہ آصف نے کہا کہ پاکستان اور افغانستان اگر برادرانہ تعلقات میں رہنا چاہتے ہیں تو اس سے اچھی کوئی بات نہیں ہے۔
خواجہ آصف نے اپوزیشن کو مخاطب کرتے ہوئے کہا کہ اسد قیصر اور حزب اختلاف سے درخواست ہے کہ اس پر سیاست نہ کریں، یہ ہمارے خون کا معاملہ ہے۔
وزیردفاع نے کہا کہ اگر یہ دہشت گردوں کے ساتھ کھڑا ہونا چاہتے ہیں تو ہم یہی کہیں گے کہ دہشت گردی کے پیچھے یہ لوگ ہیں، طالبان کے ساتھ ان کے روابط ہیں ۔
