اسلام آباد: وزیراعظم عمران خان نے عیدالاضحی کے موقع پرکوروناسے نمٹنے کے لئے قواعدوضوابط اور تمام تر حفاظتی اقدامات پرسختی سے عمل درآمدکی ہدایت کی ہے۔
انہوں نے اسلام آباد میں ملک میں کوروناکی صورتحال کے جائزہ اجلاس کی صدارت کرتے ہوئے اس وباء پرقابوپانے سے متعلق اقدامات کے مثبت نتائج پراطمینان کااظہارکیا۔
وزیراعظم نے تمام صوبائی دارالحکومتوں میں نیشنل کمانڈاینڈآپریشن سنٹرکے اجلاس طلب کرنے کی ہدایت کی تاکہ اس وباء پرقابوپانے کے لئے صوبائی حکومتوں کے اشتراک سے انتظامی اقدامات کومزیدموثربنایاجاسکے۔
انہیں بتایاگیاکہ کوروناوائرس کے مریضوں کی تعدادمیں کمی کی وجہ سے ہسپتالوں پربھی بوجھ کافی حد تک کم ہواہے۔
اجلاس کومزیدبتایاگیاکہ کوروناوائرس کے مریضوں کے علاج کی مخصوص سہولتوں سے آراستہ بستروں کی تعدادپندرہ سوتک بڑھادی گئی ہے اورآئندہ چندروزمیں ان کی مجموعی تعداد پچیس سوہوجائے گی۔
وزیراعظم کواس موقع پر موجودہ صورتحال ،علاقائی منظرنامے،سمارٹ لاک ڈائون کی حکمت عملی کے موثرنتائج ،کوروناکے مریضوں کے لئے ہسپتالوں میں دستیاب سہولتوں اوربستروں اور عیدالاضحی اورمحرم الحرام کے موقع پرکوروناکی وباء کاپھلائوروکنے کے لئے حکمت عملی کے بارے میں تفصیل سے آگاہ کیاگیا۔