ویب ڈیسک (پشاور)چیف سیکرٹری خیبرپختونخوا ڈاکٹر کاظم نیاز کی زیرصدارت ضلعی کارکردگی کے حوالے سے جائزہ اجلاس کا انعقاد ہوا۔
اجلاس میں انتظامی محکموں کے سیکرٹریز، ڈویژنل کمشنرز اور تمام اضلاع کے ڈپٹی کمشنرزنے شرکت کی۔
انٹی کرپشن پالیسی کے تحت تبدیل ہونے والے ملازمین کی فہرست چیف سیکرٹری خیبرپختونخوا کو پیش کی گئی۔
پی ایم آر یو رپورٹ کے مطابق صوبہ بھر کے 23 اضلاع کے 553 ملازمین تبدیل کر دئیے گئے ہیں جبکہ 12 اضلاع کے ملازمین کے دو سال پورے ہوتے ہی تبادلے ہونگے۔
132 پٹواری، 151 جونئیرکلرکس، 78 کمپیوٹر آپریٹرز، 77 اسسٹنٹس، 28 سینئر کلرکس، 23 نائب قاصد، 21 قانون گو، 17 ریڈرز/محرر اور 4 اسٹینوگرافرز سمیت 11 دیگر اہلکاروںکو تبدیل کیا گیا۔
ڈاکٹر کاظم نیاز نے کہا کہ انٹی کرپشن پالیسی کے تحت تبادلوں کو یقینی بنایا جائے دو سال پورے ہوتے ہی تبادلوں کا نوٹیفیکیشن جاری کریں، پالیسی کی خلاف ورزی کو ہرگز برداشت نہیں کیا جائے گا۔
