ویب ڈیسک(پشاور)صوبےبھرمیں جعلی مشروبات تیارکرنےوالوں کےخلاف کریک ڈاؤن جاری،بنوں کے علاقےڈومیل میں کاروائی کےدوران جعلی مشروبات کی فیکٹری سیل کردی گئی۔
فوڈسیفٹی اتھارٹی کےمطابق کاروائی میں 5000لیٹر سےزائد ناقص مشروبات برآمدکرکےبھاری جرمانہ بھی عائد کردیا گیاہے۔
ضلع ملاکنڈ کے علاقے سخاکوٹ اور درگئی میں بھی جعلی مشروبات کے خلاف کاروائی کی ،کاروائی میں 3000 لیٹر سے زائد جعلی مشروبات برآمد، دوسری جانب دیر لوئر میں کاروائی کے دوران گودام سے 2000 لیٹر مضرصحت خوردنی تیل برآمد کیا گیا ناقص اورمضر صحت خوردنی تیل کو موقع پر تلف کرلیا گیا ہے۔
ناقص صفائی اور ممنوع اشیاء رکھنے پر ہری پور میں ریسٹورنٹ اورتکہ شاپ سیل کر دیا گیا۔
ڈی جی فوڈ سیفٹی اتھارٹی کا کہنا تھا کہ رمضان سے قبل جعلی اور مضر صحت مشروبات تیار کرنے والے عناصر کے خلاف کریک ڈاؤن کا سلسلہ تیز کردیا ہے۔ گرفتار فیکٹری مالکان کے خلاف سخت کارروائی کی جائیگی۔