ویب ڈیسک: چیف جسٹس قاضی فائزعیسیٰ نے 77ویں جشن آزادی پر اپنی 31ہزار 680مربع فٹ زمین حکومت کو وقف کر دی۔
چیف جسٹس نے اس حوالے سے چیف سیکرٹری بلوچستان کے توسط سے صوبائی حکومت کو ارسال کردیا ۔
خط میں کہا گیا کہ ملک کی آزادی کے 77 مکمل ہونے کے موقع پر ہم زیارت میں قائد اعظم ریزیڈنسی سے ملحقہ 31 ہزار 680 مربع فٹ اپنی ملکیت میں موجود زمین عوامی فائدے کے لیے بطور انوائرمینٹل سینٹر استعمال کے لیے عطیہ کررہے ہیں ۔
چیف جسٹس نے بذریعہ خط ضلع زیارت میں اپنی 31 ہزار 680 مربع فٹ زمین حکومت کو وقف کا اعلان کیا۔
خط میں مزید کہا گیا کہ اس سلسلے میں ہم اس کا لائسنس بلا معاوضہ حکومت بلوچستان کو دینے کی خواہش رکھتے ہیں، اس سلسلے میں ہم نے لائسنس کی شرائط و ضوابط سے متعلق دستاویزات کو منسلک کردیا ہے۔
انہوں نے کہا کہ اگر حکومت رضا مندی ظاہر کرتی ہے تو ہم لوگوں کے لیے 14 اگست 2024 کے پرمسرت دن پر اس تحفے کو پیش کرنا چاہتے ہیں۔
موسمیاتی سنٹر کیلئے اراضی دینے کیلئے لکھے خط پر قاضی عظمت عیسی اور چیف جسٹس قاضی فائز عیسی کے دستخط ہیں۔
خط کی کاپیاں صدر پاکستان، وزیر اعظم پاکستان، حکومت بلوچستان اور وزیر اعلی بلوچستان کو بھی ارسال کردی گئی ہیں۔
