ویب ڈیسک (اسلام آباد)وزیر داخلہ اعجاز احمد شاہ سے وزارت داخلہ میں امریکی سفارت خانے کے وفد کی ملاقات ،امریکی وفد کی قیادت Angela Aggeler کر رہی تھیں- امریکی وفد تین شرکا پر مشتمل تھا-ملاقات میں باہمی امور کے معاملات پر تبادلہ خیال کیا گیا-امریکی وفد کا کہناتھا کہ پاکستان نے کرونہ وبا کا مقابلہ کامیابی سے کیا جو کہ قابل تعریف ہے- وزیر داخلہ اعجاز احمد شاہ نے اس موقع پر کہا کہ ہماری کوشش ہے کہ آئندہ دنوں میں وبا کے پھیلا کو قابو میں رکھ سکیں- اس موقع پر دونوں ممالک میں کرونہ صورتحال پر تبادلہ خیال کیا گیا- امریکی وفد نے باہمی دلچسپی کے امور پر دو طرفہ لائحہ عمل مرتب کرنے کی پیشکش کی- وزیر داخلہ اعجاز احمد شاہ نے اس پیشکش کا خیر مقدم کیا اور کہا کہ ہر ممکن تعاون یقینی بنانے کی پوری کوشش کریں گے- امریکی وفد نے وزیر داخلہ اعجاز احمد شاہ کی جانب سے تعاون اور مثبت جواب کا خیر مقدم کیا اور کہا کہ باہمی تعاون سے دونوں ممالک کو فائدہ ہوگا- دوطرفہ ملاقاتوں اور معاملات کو زیر بحث لا کر تعلقات کو مزید مستحکم کیا جا سکتا ہے- وزیر داخلہ اعجاز احمد شاہ ملاقات کا اختتام اس عہد کے ساتھ ہوا کہ آنے والے دنوں میں باہمی تعلقات کو مزید مستحکم بنایا جائے گا-
مزید پڑھیں
Load/Hide Comments