ویب ڈیسک (پشاور): خیبرپختونخوا فوڈ سیفٹی اتھارٹی کی پشاور، مردان اور دیربالا میں کاروائیاں جاری، ڈائریکٹر اپریشنز ڈاکٹرعظمت اللہ وزیرکا کہنا تھا کہ صوبے کے مختلف اضلاع میں ملاوٹ مافیا کے خلاف کریک ڈاؤن تیز کردیا ہے۔
جس کے نتیجے میں ٹاون تھری میں کباب ہاوس کو صفائی کی نہایت ناقص صورتحال پر سیل کردیا گیا، زائد المعیاد اشیاء رکھنے اور چائنہ سالٹ کی فروخت پرکئی دکانیں جرمانہ کردئے گئے، انھوں نے کہا کہ دیربالا، بیبوڑبازار میں 20 کلو سے زائد نان فوڈ گریڈ کلر برآمد، جبکہ ایک دکان کو سیل کرلیا۔
مردان میں صفائی کی ناقص صورتحال پر چیپس کے کارخانے سمیت ایک بیکری سیل کردی گئی، ڈپٹی ڈائریکٹر اپریشنز طلعت فہد کی سربراہی میں ہشت نگری میں مضر صحت انرجی ڈرنکس کے خلاف کاروائی کی گئی۔
طلعت فہد کا کہنا تھا کہ کاروائی میں ایک ہزار کاٹنز سے زائد انرجی ڈرنکس قبضے میں لے لئے گئے، اور گودام کوسیل کرلیا، خیبرپختونخوا میں انرجی ڈرنکس کی فروخت پر مکمل پابندی عائد ہے۔