ویب ڈیسک: پشاور: تھانا غربی میں دوران حراست طالب علم شاہ زیب کی مبینہ خودکشی کا معاملہ ،شاہ زیب کی پوسٹ مارٹم رپورٹ پولیس کو موصول.
رپورٹ کے مطابق شاہ زیب کی موت پھانسی کی وجہ سے واقع ہوئی، گردن پر پھانسی کے نشانات پائے گئے ہیں،
شاہ زیب کو جنسی زیادتی کا نشانہ بنانے کے کوئی ثبوت نہیں ملے،متوفی کے کپڑوں پر خون کے دھبے بھی ملے ہیں،
شاہ زیب کے جسم پر زخم کے نشانات پائے گئے،متوفی کے سر، کان، کہنی، ہاتھ، ران اور انگھوٹھے پر زخم کے نشانات پائے گئے.
رپورٹ کے مطابق متوفی کے دل، پھیپھڑے اور پسلیوں کو کوئی نقصان نہیں پہنچا، متوفی کے خون اور پیشاب کے نمونوں میں کوئی نشہ آور اور زہریلی چیز نہیں ملی.
پولیس کے مطابق شاہ زیب کوزخم دکانداروں سے لڑائی کے دوران آئے،شاہ زیب اور دکانداروں کے درمیان لڑائی کی سی سی ٹی وی فوٹیج موجود ہے،14 مارچ کو طالب علم شاہ زیب نے حوالات میں مبینہ خودکشی کی تھی.