مریم نواز

مخالفین کو بھی رمضان پیکیج دیں گے، مریم نواز

ویب ڈیسک:وزیراعلیٰ پنجاب مریم نواز نے کہا ہے کہ ہم اپنے مخالفین کو بھی رمضان پیکیج دیں گے ۔
مریم نوازنے رمضان پیکیج کے حوالے سے گفتگو کرتے ہوئے کہا کہ رمضان پیکیج میں دیئے گئے سامان کی اچھی طرح سے چیکنگ ہو گی۔
جنہوں نے ہمارے خلاف ووٹ دیئے ہم ان کو بھی پیکیج دے رہے ہیں، سب کو بلا تفریق رمضان پیکیج ملے گا، اگر کسی جگہ بیسن یا کسی چیز میں مسئلہ نظر آتا ہے تو اسے چیک کیا جائے۔
وزیر اعلیٰ پنجاب کا کہنا تھا کہ ہماری حکومت میرٹ اورشفافیت پریقین رکھتی ہے، رمضان پیکیج مستحق لوگوں میں تقسیم کیا جائےگا۔
مریم نواز کا کہنا تھا کہ میں ہدایت کرتی ہوں لاہور میں کسی بھی جگہ کوڑاکرکٹ نظر نہیں آئے، میں خود جا کر لاہور کی گلی گلی، محلہ محلہ جا کر چیک کروں گی۔
انہوں نے مزید کہا کہ صفائی کےانتظامات پرخصوصی توجہ دی جائے، ایک ماہ میں مجھےپورا پنجاب صاف چاہیے، تمام اضلاع کا سرپرائزوزٹ کروں گی۔

مزید پڑھیں:  سیاسی جماعت پر پابندی لگانا تشویش کی بات ہے،امریکہ