رمضان المبارک میں لوگ مختلف اقسام کے کھانے کھاتے اور بناتے ہیں لیکن چاٹ ہر افطار کی جان سمجھی جاتی ہے اور دسترخوان کی زینت ہوتی ہے، افطار چاہے گھر میں ہو یا کسی اور جگہ لیکن چنا چاٹ کا ہونا لازمی ہوتا ہے۔اب آپ گھر پر مزیدار لاہوری چنا چاٹ با آسانی بناسکتے ہیں۔
اجزاء
ابلے چنے ۔۔۔۔۔۔۔۔۔۔۔ دو سو پچاس گرام ابلے ہوئے
آلو ۔۔۔۔۔۔۔۔۔۔۔۔۔۔۔ ایک کپ کیوبز اور ابلے ہوئے
ہری مرچ ۔۔۔۔۔۔۔۔۔۔۔ چار عدد باریک کٹی ہوئی
پیاز۔۔۔۔۔۔۔۔۔۔۔۔۔۔۔ آدھا کپ باریک کٹی ہوئی
لیموں کا رس ۔۔۔۔۔۔۔۔۔ دو کھانے کے چمچ
چینی ۔۔۔۔۔۔۔۔۔۔۔۔۔۔ ایک کھانے کا چمچ
زیرہ ۔۔۔۔۔۔۔۔۔۔۔۔۔۔ ایک کھانے کا چمچ بھنا اور کٹا ہوا
لال مرچ ۔۔۔۔۔۔۔۔۔۔۔ ایک چائے کا چمچ پسی ہوئی
کٹی ہوئی لال مرچ ۔۔۔۔۔۔۔ ایک چائے کا چمچ
چاٹ مصالحہ ۔۔۔۔۔۔۔۔۔ ایک چائے کا چمچ
نمک ۔۔۔۔۔۔۔۔۔۔۔۔۔ ایک چائے کا چمچ
ٹماٹر ۔۔۔۔۔۔۔۔۔۔۔۔۔۔ ایک عدد باریک کٹا ہوا
ہرا دھنیا ۔۔۔۔۔۔۔۔۔۔۔۔ دو کھانے کے چمچ
املی کی چٹنی ۔۔۔۔۔۔۔۔۔۔ آدھا کپ تیار کی ہوئی
پاپڑی ۔۔۔۔۔۔۔۔۔۔۔۔۔ ایک کپ کچلی ہوئی
ترکیب:
ایک پیالے میں کابلی چنے، آلو ، ہری مرچ، پیاز، لیموں کا رس، چینی، زیرہ، پسی لال مرچ، کٹی لال مرچ، چاٹ مصالحہ، نمک، ٹماٹر اور ہرا دھنیا ڈال کر مکس کریں۔اب اس پر ہرا دھنیا، املی کی چٹنی اور پاپڑی ڈال کر سرو کریں۔
