ویب ڈیسک: اڈیالہ جیل میں بانی پی ٹی آئی عمران خان اور بشریٰ بی بی کے خلاف 190ملین پاؤنڈ سکینڈل ریفرنس کی سماعت کے دوران نیب کے مزید 2 گواہوں کے بیانات پر جرح مکمل کرلی گئی۔
کیس کی سماعت احتساب عدالت کے جج ناصر جاوید رانا نے کی، بانی پی ٹی آئی اور بشری بی بی بھی کمرہ عدالت میں موجود تھے۔
ریفرنس میں مجموعی طور پر 30 گواہوں کے بیانات ریکارڈ، 21 پر جرح مکمل ہوگئی، عدالت نے 31 مئی کو نیب کے مزید گواہوں کو طلب کرلیا۔
ملزموں کی جانب سے سماعت معمول کے مطابق کرنے کی درخواست پر فریقین کے دلائل مکمل ہوگئے، فیصلہ محفوظ کر لیا گیا۔
نیب کے پراسیکیوٹر جنرل سردار مظفر عباسی ٹیم کے ہمراہ پیش ہوئے، بانی پی ٹی آئی اور بشری بی بی کے وکلا ظہیر عباس چودھری، انتظار پنجوتھا، شعیب شاہین و دیگر پیش ہوئے۔
