ویب ڈیسک: پاکستان تحریک انصاف (پی ٹی آئی )کی رہنما ڈاکٹر یاسمین راشد کو جیل میں طبیعت ناساز ہونے پر فوری سروسز ہسپتال منتقل کردیا گیا ۔
ہسپتال انتظامیہ کے مطابق یاسمین راشد کو معدے اور پیٹ میں درد کی شکایت ہے ،انہیں 24گھنٹے انڈر آبزرویشن میں رکھا جائے گا۔
سروسز ہسپتال انتظامیہ کا کہناہے کہ یاسمین راشد گزشتہ روز سے جیل میں قے کر رہی تھیں، انہیں معدے اور پیٹ میں درد کی شکایت ہے ان کا اسکین ہوچکا ہے ، مزید ٹیسٹ بھی کیے جارہے ہیں۔
کوٹ لکھپت جیل حکام نے مسلسل قے کی وجہ سے یاسمین راشد کو تشوشناک قیدی قرار دیا ہے۔
جیل حکام کے مطابق یاسمین راشد کا بلڈ پریشر زیادہ تھا، متلی اورقے کے باعث انہوں نے صبح سے کچھ نہیں کھایا ، ان کے جسم میں پانی کی کمی بھی ہو گئی ہے ۔
