ویب ڈیسک: نیب کی جانب سے 190ملین پاؤنڈز ریفرنس میں بانی پی ٹی آئی عمران خان کی ضمانت کا فیصلہ سپریم کورٹ میں چیلنج کردیاگیا۔
اسلام آباد ہائی کورٹ نے 15 مئی کو 190 ملین پاؤنڈز ریفرنس میں بانی پی ٹی آئی کی 10لاکھ روپے کے مچلکوں پر ضمانت منظور کی تھی۔
چیئرمین نیب نے190 ملین پائونڈئز ریفرنس میں عمران خان کو ضمانت دینے کے فیصلے کے خلاف درخواست دائر کی۔
درخواست میں موقف اختیار کیا گیا ہے کہ ملزم کوضمانت دیتے ہوئے حقائق کو نظر انداز کیا گیا ہے۔
اسلام آباد ہائی کورٹ کا فیصلہ قانون کی نظر میں درست نہیں، سپریم کورٹ سے استدعا ہے کہ اسلام آباد ہائی کورٹ کا فیصلہ کالعدم قرار دیا جائے۔
واضح رہے کہ احتساب عدالت نے بانی پی ٹی آئی کی درخواست ضمانت مسترد کردی تھی جس کے بعد انہوں نے اسلام آباد ہائیکورٹ سے رجوع کیا تھا۔
