ویب ڈیسک: چیئرمین پاکستان تحریک انصاف بیرسٹر گوہر نے کہا ہے کہ امریکی کانگریس میں پاکستان کے انتخابات کی تحقیقات کے حوالے سے منظور ہونے والی قرار داد کو مداخلت نہیں کہا جاسکتا ۔
بیرسٹر گوہر نے کہا کہ جمہوریت میں اپوزیشن کا سب سے اہم کردار ہوتا ہے، اس حکومت میں برداشت نہیں، ان کو نہیں معلوم کہ اپوزیشن کیا ہوتی ہے۔
انہوں نے کہا کہ حکومت انتخابات کے معاملے پر تحقیقات نہیں کرنا چاہتی ،ہمیں پارلیمنٹ میں بولنے نہیں دیا جاتا، ہم اس کی مذمت کرتے ہیں۔
بیرسٹر گوہر کا کہنا تھا کہ خواجہ آصف کے بیان سے ملک کو نقصان پہنچا، خواجہ آصف نے اسمبلی کو اعتماد میں لیے بغیریہ بیان دیا، وہ اپنے بیان کا دفاع نہیں کرسکے۔
بیرسٹر گوہر نے کہا کہ خواجہ آصف کے بیان کی مذمت کرتے ہیں، خواجہ آصف کے بیان سے دنیا کے سامنیپاکستان کا منفی چہرہ گیا۔
بیرسٹرگوہر نے کہا کہ جو قرارداد یہ لے کر آئے اس کے متعلق ہمیں اعتماد میں نہیں لیا گیا، قرارداد میں انسانی حقوق کی فراہمی یقینی بنانے اورصاف شفاف انتخابات کی بات کی گئی ہے۔
