اسلام آباد: بھارتی ہائی کمیشن کے ناظم الامور کو ڈی جی سارک زاہد حفیظ چودھری نے طلب کیا، 20 جون کو ایل او سی پر سیز فائر معاہدے کی خلاف ورزی پر پاکستان نے شدید احتجاج ریکارڈ کرایا. بھارتی فورسز کی اشتعال انگیزی سے 1 شہری شہید جبکہ 2 معصوم شدید زخمی ہوئے ہیں۔
بھارتی قابض فورسز ایل او سی اور ورکنگ باونڈری پرمسلسل معصوم شہریوں کو بھاری ہتھیار سے نشانہ بنا رہی ہے، بھارت رواں سال اب تک بھارت 1440 مرتبہ سیز فائر معاہدے کی خلاف ورزی کر چکا ہے۔ سیز فائرمعاہدے کی خلاف ورزی اور بھارتی اشتعال انگیزی سے رواں سال اب تک 13 شہری شہید جبکہ 104 شدید زخمی ہوئے ہیں۔
