ویب ڈیسک (پشاور) : آل پاکستان سی این جی ایسوسی ایشن خیبر پختونخوا نے سی این جی سٹیشنز بندش فیصلے کے خلاف احتجاجی مظاہرہ کیا ، سی این جی ایسوسی ایشن کے عہدیداروں نے جی ٹی روڈ پر احتجاج کیا ،
اس موقعہ پر آل پاکستان سی این جی ایسوسی ایشن خیبر پختونخوا کے صوبائی صدر فضل مقیم خان کا کہنا تھا کہ صوبہ پختونخوا میں صرف سی این جی کی واحد صنعت باقی ہے ، وفاقی اور صوبائی حکومتیں سی این جی صنعت کو تباہ کررہی ہیں، گیس کی رسد ہمارے صوبے کی طلب سے زائد ہے پھر پریشر کیوں کم کردیا جاتا ہے،
آل پاکستان سی این جی ایسوسی ایشن عہدیداران کے مطابق پریشر کا بہانا بنا کر سی این جی کاروبار کو ٹھپ کرنا حکومتی بے حسی ہے،مظاہرین نے مطالبہ کیا کہ سی این جی سٹیشنز پر بے جا چھاپے اور گرفتاریاں بند کی جائیں، ہمیں بار بار احتجاج پر مجبور نہ کریں وگرنہ ڈی چوک میں سخت سے سخت احتجاج کر سکتے ہیں اور حکومت کیلئے مشکلات پیدا کر سکتے ہیں،