ویب ڈیسک(پشاور):خیبرپختونخوا میں ڈاکٹروں اور دیگرہیلتھ ورکرز پر تشدد کی روک تھام کے لئے قانون سازی کا بل تیارکر لیا گیا ۔بل کے متن میں کہا گیا ہے کہ خیبرپختونخوا ہیلتھ کیئر سروس پرووائیڈرز اینڈ فیسلیٹیز بل جلد اسمبلی میں پیش ہوگا،کسی ہیلتھ کئیر ورکر، مریض یا تیمادار پر تشدد سنگین جرم تصور ہوگا، ڈاکٹروں ،نرسز اور دیگر ہیلتھ ورکرز پرتشدد کرنے والے کو تین سال تک قید سزا کی تجویزدی گئی ۔
قید سزا کے ساتھ ایک لاکھ سے دس لاکھ روپے تک جرمانے کی تجویز بھی دی گئی ۔،بل کے متن میں بتایا گیا کہ ہسپتال کے اندر اسلحہ ساتھ لانے پر مکمل پابندی ہوگی، ہسپتال کے املاک کے نقصان پہنچانے والے کو جرمانہ اور قیدکی سزا ہوگی،مریض کو بلاتفریق بہترین علاج مہیا کرنا ڈاکٹر کی ذمہ داری ہوگی
مریض کے تیماداروں کو علاج سے متعلق تمام حقیقت پہلے سے بتائی جائے۔