ویب ڈیسک (پشاور):انسداد دہشتگردی عدالت نے منی لانڈرنگ میں ملوث افغان شہری کو الزام ثابت ہونے پر سزا سنا دی، عدالت نے افغان شہری محمد ادریس کو منی لانڈرنگ اور دیگر دفعات میں مجموعی طور پر 25 سال قید کی سزا سنا دی۔
عدالت نے جرم ثابت ہونے پر ملزم محمد ادریس پر 9 کروڑ 66 لاکھ 68 ہزار 280 روپے جرمانہ بھی عائد کردیا، ملزم کو اگست 2020 میں افغانستان 3 کلو 63 گرام سونا سمگل کرنے کے الزام میں گرفتار کیا گیا تھا، ملزم کا تعلق افغانستان سے ہے۔
عدالت نے کہا کہ جیل انتظامیہ سزا مکمل ہونے پر ملزم محمد ادریس کو افغانستان ڈیپوٹ کریں، خیبرپختونخوا میں پہلی بار الزام ثابت ہونے پر ملزم کو منی لانڈرنگ کیس میں سزا سنائی گئی ہے۔
