ویب ڈیسک (اسلام آباد)قومی اسمبلی کا اجلاس آج صبح ساڑھے دس بجے منعقد ہوگا۔
تفصیلات کے مطابق صدر مملکت ڈاکٹر عارف علوی کی جانب سے قومی اسمبلی کا اجلاس بلایا گیا ہے جو آج ہوگا۔
قومی اسمبلی کے اجلاس کا 12 نکاتی ایجنڈا جاری کردیا گیا ہے۔
پاکستان افغانستان بارڈر نوا پاس اور گورسل بارڈر پوائنٹ بند ہونے سے تجارت کو نقصان بارے توجہ دلاؤ نوٹس بھی شامل ہے۔
بجلی کی تقسیم اور ترسیل کے حوالے سے ترمیمی آرڈیننس2021 ایوان کے سامنے رکھا جائے گا اور مسلم عائلی قوانین ترمیمی بل ایوان میں پیش کیا جائے گا۔
نیشنل کمیشن برائے حقوق اطفال ترمیمی بل 2021 ایوان میں پیش کیا جائے گا۔
اجلاس میں اسٹیٹ بنک آف پاکستان بنکنگ سروسز کارپوریشن بل2020 پر قائمہ کمیٹی کی رپورٹ پیش کی جائے گی۔
رائٹ آف ایکسس ٹو انفارمیشن ایکٹ 2017 کی ششماہی رپورٹ ایوان کے سامنے رکھی جائے گی۔
لاہور میں نوجوانوں میں منشیات کے بڑھتے استعمال پر تشویش کے متعلق توجہ دلاؤ نوٹس بھی کارروائی کا حصہ ہوگا۔
