ویب ڈیسک (اسلام آباد)وزیراعظم عمران خان نے وفاقی کابینہ کا اجلاس منگل کو طلب کر لیا۔
ذرائع کے مطابق وزیراعظم کی زیر صدارت منگل کو ہونے والے کابینہ اجلاس کا9 نکاتی ایجنڈا جاری کردیا گیا ہے۔
اجلاس میں ا وفاقی کابینہ پی آئی اے ملازمین پر لازمی سروس ایکٹ نافذ کرنےاور پاکستان ہاوسنگ اتھارٹی فاونڈیشن کے چیف ایگزیکٹو کی تعیناتی کی منظوری دے گی۔ کمیٹی برائے توانائی کے گزشتہ دو اجلاسوں کے فیصلوں کی توثیق کابینہ ایجنڈا میں شامل ہے۔
وفاقی کابینہ کو پی آئی اے کے ری سٹرکچرنگ پلان اور گردشی قرضے کے پلان پر بریفنگ دی جائے گی۔ نان ٹریٹی ممالک کی جانب سے میوچوئل لیگل اسسٹنس کی درخواستوں پر غورکیا جائیگا۔
وزارت صحت کے چار فاسٹ ٹریک منصوبوں پر عملدرآمد کے لیے خصوصی چھوٹ دینے کی سمری ایجنڈا میں شامل ہے۔
کابینہ کمیٹی برائے قانون سازی کے فیصلوں کی توثیق کابینہ ایجنڈا میں شامل ہے۔