لاڑکانہ میں دو گروپوں کے درمیان فائرنگ کے تبادلے میں 5 افراد ہلاک جبکہ فائرنگ کی زد میں آکر اے ایس آئی بھی شہید ہو گیا۔
پولیس کے مطابق نو ڈیرو بائی پاس کے قریب دو گروپوں کے درمیان فائرنگ کا تبادلہ ہوا، صورتحال قابو کرنے اور ملزمان کی گرفتاری کیلئے پولیس کی بھاری نفری موقع پر پہنچی۔
دو گروپوں میں فائرنگ کے تبادلے میں 5 افراد ہلاک ہوئے، ملزمان کی جانب سے جائے وقوعہ پر پہنچنے والی ماہوٹا پولیس پر بھی فائرنگ کی گئی جس کی زد میں آکر اے ایس آئی سلطان شاہ فائرنگ شہید ہوگئے۔
پولیس حکام کا بتانا ہے کہ فائرنگ کے نتیجے میں ایک شدید زخمی کو فوری طور پر کراچی منتقل کر دیا گیا، زخمیوں میں ڈی ایس پی ماہوٹا بشیر احمد شر اور سپاہی صدام حسین بھی شامل ہیں۔
