ویب ڈیسک: خیبر پختونخوا بجٹ کیلئَے تمام تر تیاریاں مکمل کر لی گئی ہیں۔ کل پیش کیا جائِیگا۔
اس حوالے سے ذرائع کا کہنا ہے کہ بجٹ 25-2024ء کا حجم 1700 ارب روپے سے زائد ہو گا۔ بجٹ میں سرکاری ملازمین کیلئَے بڑی خوشخبری ہے کیونکہ اب کی بار بجٹ میں 10 تا 15 فیصد اضافہ متوقع ہے۔
محکمہ خزانہ ذرائع کے مطابق خیبرپختونخوا کے سالانہ بجٹ 25-2024ء کا حجم 1700 ارب روپے سے زیادہ ہوگا جس میں سالانہ ترقیاتی پروگرام کے لئے 200 ارب روپے رکھنے کی تجویز زیر غور ہے۔
خیبر پختونخوا بجٹ میں سرکاری ملازمین کیلئے خوشخبری ہے کیونکہ اب کی بار ان کی تنخواہوں میں 10 تا 15 فیصد اضافہ زیرغور ہے۔
دوسری جانب صوبے میں پراپرٹی ٹیکس شرح میں کمی، تمباکو پر صوبائی لیول پر ٹیکس لگانے کی سفارش بھی کی گئی ہے۔
ذرائع نے بتایا ہے کہ محکمہ بلدیات کیلئے 9 ارب ترقیاتی بجٹ زیر غور ہے جس میں 3 نئے اور 99 پرانے منصوبے شامل ہیں۔
محکمہ خزانہ کی جانب سے بجٹ تجاویز اور سفارشات کی سمری وزیراعلیٰ کو ارسال کر دی گئی ہے۔
مشیر خزانہ مزمل اسلم کا سالانہ بجٹ 25-2024 کے حوالے سے کہنا ہے کہ خیبرپختونخوا کے عوام کے لئے بجٹ میں کئی خوشخبریاں ہیں۔
انہوں نے کہا کہ بجٹ میں قبائلی اضلاع یا عوام پر براہ راست کوئی نیا ٹیکس نہیں لگایا جا رہا۔
