پشاور: خیبرپختونخوا میں کورونا مریضوں کے لیے جدید طبی سہولیات سے آراستہ مزید 176 بستروں کا انتظام، وزیر صحت تیمور جھگڑا کے مطابق صوبے میں گزشتہ 10 دنوں کے دوران 32 آئی سی یو جبکہ 144 ہائی ڈیپنڈنسی یونٹس بیڈز کا اضافہ کیا گیا، اگلے دوماہ میں مزید 1000 آئی سی یو اور ایچ ڈی یو بستروں کا اضافہ کیا جائے گا، پشاور انسٹیٹیوٹ آف کارڈیالوجی میں این ڈی ایم اے کے تعاون سے کورونا سنٹر بنا رہے ہیں،
پی آئی سی کورونا سنٹر 50 آئی سی یو اور 150 ایچ ڈی یو بیڈز پر مشتمل ہو گا، لیڈی ریڈنگ ہسپتال پشاور میں مزید 19 وینٹی لیٹڈ اور 11 ایچ ڈی یو بستروں کا اضافہ کیا، ایچ ایم سی میں مزید 5 آئی سی یو بستر اور خیبر ٹیچنگ ہسپتال میں 36 بستروں پر مشتمل ایچ ڈی یو بنایا گیا،ڈی ایچ کیو چارسدہ میں 8 وینٹی لیٹڈ بستروں کا آئی سی یو وارڈ اور وومن اینڈ چلڈرن ہسپتال رجڑ میں 32 بیڈز کا ایچ ڈی یو بنایا گیا ہے، کورونا مریضوں کے لیے سوات میں 25، نوشہرہ اور صوابی میں مزید 20، 20 بستروں کے ہائی ڈیپنڈنسی یونٹس بنائے گئے ہیں۔
