ویب ڈیسک(اسلام آباد): دنیاکوروناوائرس کی وباء کے تناظرمیں پاکستان کی سمارٹ لاک ڈائون کی پالیسی کوبڑے پیمانے پرسراہ رہی ہے جس کابنیادی مقصدزندگی اور روزگارکے درمیان توازن برقراررکھناہے۔
وزیراعظم عمران خان نے سماجی رابطے پرایک رپورٹ جاری کی ہے جس میں کہاگیاہے کہ ملک میں کوروناوائرس سے متاثرہ مریضوں کی تعداد جون کے وسط میں یومیہ تقریباً چھ ہزارآٹھ سوتھی جو تیزی سے کم ہوکرگزشتہ چوبیس گھنٹے کے دوران بارہ سونورہ گئی ہے۔
وزیراعظم نے اس امیدکااظہاربھی کیاکہ تعمیراتی صنعت کے لئے حال ہی میں اعلان کئے گئے مراعاتی پیکج سے لاک ڈائون کے باعث متاثر ہونے والے یومیہ اجرت پرکام کرنے والوں کو ریلیف ملے گا۔
انہوں نے کہاکہ قومی شاہراہ سے منسلک دوکھرب 89ارب روپے مالیت کے چاربڑے منصوبوں سے ملک کے مختلف حصوں میں ترقی اورخوشحالی آئے گی اوررابطے بہترہوں گے۔
