ویب ڈیسک(لندن):برطانیہ میں ویکسین کی پہلی ڈوزدیدی گئی ہے۔برطانوی وزیراعظم بورس جانسن کا کہنا ہے کہ وائرس کی نئی قسم پر قابو پانے کے لیے تمام ممکنہ وسائل بروئے کار لارہے ہیں، 5 لاکھ سے زائد افراد کو ویکسین کی پہلی ڈوزدیدی گئی ہے۔
برطانوی وزیراعظم بورس جانسن کا کہنا ہے کہ کورونا کی نئی قسم سے متعلق دوست ممالک کے تحفظات سے آگاہ ہیں اور ان کا احساس ہے، عالمی ادارہ صحت کو بروقت وائرس کی نئی قسم سے آگاہ کردیا تھا۔ نئے علاج، ویکسین میں جدت کے لیے دوست ممالک کے ساتھ مل کر کام کرنا چاہتے ہیں، وائرس کو شکست دینے کے لیے عالمی ردعمل کی ضرورت ہے۔
واضح رہے کہ کورونا کی نئی قسم کے باعث 40 سے زائد ممالک نے برطانیہ پر سفری پابندیاں عائد کردی ہیں، پابندیوں کے سبب سینکڑوں پروازیں منسوخ ہوگئیں مسافروں کو شدید مشکلات درپیش ہیں۔
