اسلام آباد:بل گیٹس نے پاک فوج کی پولیو مہم میں کردار کو سراہا ، ٹیلی فون کال پاکستان میں پولیو کے خاتمے کے لئے جاری مہم کے تناظر میں تھی ، آرمی چیف کا کہنا ہے کہ پولیو مہم قومی فریضہ ہے، پاک فوج نے حکومت پاکستان اور صوبائی حکومتوں کے شعبہ صحت کے اہم اقدامات میں کردار ادا کیا ہے،
پاک فوج پولیو مہم میں سکیورٹی ، مانیٹرنگ اور پولیو ٹیموں کی استعداد کار بہتر بنانے میں تعاون کر رہی ہے، کورونا وبا کے باوجود پاک فوج حکومت کی انسداد پولیو مہم کی تیاریوں میں شامل ہے، پولیو مہم میں کام کرنے والے ہیلتھ ورکرز نے کورونا وبا کے خلاف فرنٹ لائن پر کام کیا ہے، گفتگو میں وبا کے مستقبل اور ٹیکنالوجی کے ذریعے نظام صحت کو بہتر بنانے پر تبادلہ خیال کیا گیا ،
آرمی چیف نے بل گیٹس اور ان کی فاونڈیشن کا بیماریوں کے خاتمے میں کردار پر شکریہ ادا کیا ، پاکستان کی بہتری اور عوام کی فلاح کے لئے کسی بھی کام کی بھرپور حمایت کریں گے۔
