ویب ڈیسک (کابل)طالبان نےپیرکےروزکابل میں امریکا کی سینٹرل انٹیلی جنس ایجنسی (سی آئی اے )کےسب سےبڑے آپریشنل سینٹرکےدروازےصحافیوں کےلیےکھول دیےاورکہا کہ امریکی اہلکاروں نے تمام فوجی سازوسامان،گاڑیاں اور دستاویزات کوتباہ اورجلادیا۔
"ایگل” نامی یہ مرکز کابل کے دہ سب کے علاقے میں واقع ہے اب یہ کیمپ طالبان کے کنٹرول میں ہے۔
طالبان کے مطابق امریکی فوجیوں نے اہم دستاویزات ، سینکڑوں ہمویز گاڑیاں، بکتر بند ٹینک اور اسلحہ تباہ کر دیا۔
طالبان نے کہا کہ وہ تباہ شدہ سامان کی صحیح قیمت نہیں جانتے لیکن ان کا اندازہ ہے کہ یہ کروڑوں ڈالر کا ہے۔
کیمپ کے کمانڈر مولوی اتنین نے کہا ، "انہوں نے ہر وہ چیز تباہ کر دی ہے جو استعمال کی جا سکتی تھی۔”امریکی فوجیوں نے مبینہ طور پر روانگی سے قبل کابل ائیر پورٹ پر فوجی ہارڈ ویئر اور ہیلی کاپٹروں کو بھی تباہ کر دیاتھا۔