پاکستان میں اس وقت 31 فیصد نوجوان بے روزگار ہیں جن میں اکثریت خواتین کی ہے اس بات کا انکشاف پاکستان انسٹی ٹیوٹ آف ڈویلپمنٹ اکنامکس (پی آئی ڈی ای) کی جانب سے جاری کی گئی ایک رپورٹ میں کیا گیا ہے۔ رپورٹ میں انکشاف کیا گیا ہے کہ ملک کے 31 فیصد سے زائد نوجوان اس وقت بے روزگار ہیں۔ان 31فیصد میں سے 15 فیصد خواتین ہیں جبکہ 16 فیصد مرد ہیں جن میں سے اکثر پیشہ ورانہ ڈگریوں کے مالک ہیں۔ رپورٹ میں یہ بھی انکشاف کیا گیا کہ حیرت انگیز طور پر کام کرنے والے عمر کے گروپ کا ایک بڑا حصہ لیبر فورس کا حصہ بھی نہیں ہے۔ رپورٹ میں کہا گیا کہ یہ لوگ یا تو حوصلہ شکن کارکن ہیں یا ان کی امداد یا آمدنی کے دیگر ذرائع ہیں۔ رپورٹ میں یہ بھی شامل ہے کہ خواتین کی لیبر فورس میں شرکت کی شرح حیران کن حد تک کم ہے۔
