اسلام آباد :قومی اسمبلی کا اجلاس، وفاقی وزیر غلام سرور کا اظہار خیال، ان کا کہنا تھا کہ جہاز کے حادثے کے بعد مقامی لوگوں نے بھی مدد کی۔ طیارہ حادثے میں 97افراد جاں بحق ہوئے۔ 2افرادمعجزانہ طور پر طیارہ حادثے میں زندہ بچ گئے۔ ایسا بہت کم ہوتا ہے کہ طیارہ حادثہ میں کوئی زندہ بچ جائے۔
ان کا کہنا تھا کہ پی آئی اے میں نسبتاً زیادہ حادثے ہم سب کیلئے باعث ندامت ہیں۔ کراچی طیارہ حادثے کے ذمہ داروں کا تعین کیا جائیگا۔ طیارہ حادثے کی مکمل انکوائری رپورٹ سے آگاہ کیا جائے گا۔
ان کا کہنا تھا کہ ماضی قریب میں ہونیوالے طیارہ حادثات کی انکوائری رپورٹس بھی پیش کی جائینگی۔ ماضی میں سیاسی ناپاک خواہشات پوری کرنے کیلئے جعلی ڈگریوں کے حامل پائلٹ بھرتی کیے گئے۔ ماضی میں پائلٹ جعلی لائنس رکھنے میں بھی ملوث پائے گئے۔
ان کا مزید کہنا تھا کہ ذمہ دار وہ لوگ ہیں جنہوں نے جعلی ڈگریوں والوں کی سیاسی بھرتیاں کیں۔ پوری قوم پاکستان ائر فورس کو خراج تحسین پیش کرتی ہے۔ کورونا کے باعث بیرون ملک پھنسے پاکستانیوں کو وطن واپس لایا گیا۔
عوامی نیشنل پارٹی کے صوبائی صدر ایمل ولی خان، صوبائی ترجمان ثمر ہارون بلور، کابینہ اراکین اور بزرگ رہنما حاجی غلام احمد بلور کے ہمراہ بلور ہاؤس پشاور میں میڈیا سے گفتگو کررہے ہیں
