ویب ڈیسک(کوہاٹ) محکمہ تعلیم میں کلاس فور بھرتیوں میں بے قاعدگیوں کا انکشاف ہوا ہے، میرٹ کے برعکس اکثر سکولوں میں غیرمقامی افراد کو بھرتی کیا گیا ہے۔
ذرائع کےمطابق من پسند افراد کو بھرتی کرنے کے لیے سکولوں میں آسامیاں خالی ظاہر کی گئیں، مقامی امیدوار وں نے بھرتی کئے جانے والے غیر مقامی افراد کو ڈیوٹی کرنے سے روک دیا ،کلاس فور بھرتیوں پر سب سے پہلے مقامی افراد کا حق ہوتا ہے۔
صوبائی مشیر برائے آئی ٹی نے اپنے پی آراو بھی چوکیدار بھرتی کروا لیا ۔
مقامی امیدواروں نے دھمکی دی ہے کہ ناانصافی کا ازالہ نہ کیا گیا تو عدالت سے رجوع کریں گے ۔
ڈی ای او کا کہنا تھا کہ جن امیدواروں کو بھرتیوں پر اعتراض ہے وہ عدالت سے رجوع کریں، حکومت کی طرف سے کلاس فور بھرتیوں کے لئے کوئی واضح پالیسی نہیں ہے حکومت کو کلاس فور بھرتیوں کے لئے واضح پالیسی دینی چاہیے۔