وزیراعظم عمران خان کا بیان آئینی ادارے پردباو ڈالنا تھا، نیر بخاری

ویب ڈیسک (اسلام آباد) پی پی پی رہنما نیر بخاری نے اپنے بیان میں کہا کہ الیکشن کمیشن کے جراتمندانہ ردعمل کا خیرمقدم کرتے ہیں،وزیراعظم عمران خان کا بیان آئینی ادارے پر دباو ڈالنا تھا۔

انہوں نے کہا کہ پیپلزپارٹی نے ہمیشہ اداروں کی مضبوطی کی بات کی ہے،عمران خان نے شکست تسلیم کرنے کی بجائے آئینی ادارے کے کردار پر سوالیہ نشان اٹھایا۔ عمران خان میں شکست تسلیم کرنے کی جرات اور صلاحیت ہونی چاہئے،الیکشن کمیشن کے بیان کے بعد وزیراعظم باضاطہ طور پر معافی مانگیں۔