ویب ڈیسک (بنوں): ٹی ایم اے بنوں کی جانب سے لکڑی ٹال مارکیٹ مسمار، دکانداروں اور مبینہ مارکیٹ مالک نے شدید احتجاج کیا، 1952 سے مارکیٹ کا قبضہ ہمارے پاس ہے عدالت میں کیس چل رہا ہے، انتظامیہ نے توہین عدالت کرتے ہوئے پہلے مارکیٹ سیل کیا اج مسمار کردیا، لاکھوں روپے کا سامان قیمتی مشینری خراب ہوگئی۔
انتظامیہ نے دعوی کیا ہے کہ یہ مارکیٹ سرکاری ہے لیکن کیس عدالت میں زیر سماعت ہے، انتظامیہ کو توہین عدالت کا نوٹس بھی مل گیا ہے، مسماری سے پہلے ہمیں کوئی نوٹس نہیں ملا ہمارا جتنا نقصان ہوا انتظامیہ سے لیں گے، ہم نے 7،7 لاکھ روپے مالک کو دیئے ہیں آج انتظامیہ نے ہمارا سب کچھ خاک میں ملا دیا۔